மொழிபெயர்

ஈகைத் திருநாள்

ஈகைத் திருநாள் அல்லது நோன்புப் பெருநாள் (Eid al-Fitr) என்பது நோன்பு நோற்று முடித்தல் பெருநாள் எனவும் அழைக்கப்படும். இது அரபு மொழியில் ஈட் அல் பித்ர் எனப்படும். ரமலான் பெருநாள் அல்லது ரமலான் எனவும் இது அழைக்கப்படுகின்றது. ஈத் என்னும் அரபுச் சொல்லுக்கு கொண்டாட்டம், திருநாள் அல்லது பெருநாள் என்பது பொருளாகும். சுமார் ஒரு மாதமாக, ரமலான் நோன்பு நோற்று முடித்ததை அடுத்து ஈகைத் திருநாள் கொண்டாடப்படுகின்றது. இச்சமயத் திருநாள் முஸ்லிம்கள் நோன்பு நோக்கக்கூடாத ஷவ்வால் மாதத்தில் உள்ள ஒரு நாளாகும்.

ஈகைத் திருநாள்
ஈகைத் திருநாள்
இஸ்லாமிய மாதம் சந்திரனின் சுழற்சியை அடிப்படையாகக் கொண்டு கணக்கிடப்படுகிறது. இதனால் இஸ்லாமிய நாட்காட்டி நடைமுறையில் உள்ள கிரகோரியன் நாட்காட்டியிலிருந்து வேறுபடுகிறது. இஸ்லாமிய முறைப்படி ஒன்பதாவது மாதமான ரமலான் முஸ்லிம்களைப் பொருத்தவரையில் முக்கிய உள்ளதாகும். இந்த மாதத்தில் இஸ்லாமியர்களின் புனித நூல் குர்ஆன் கிடைக்கப்பட்டது. ரமலான் மாத தலைப்பிறை தென்பட்டதும் முஸ்லிம்கள் நோன்பிருப்பர்.

ரமலான் மாதத்தை அடுத்துவரும் ஷவ்வால் மாதத்தின் தலைப்பிறை தென்பட்டதும் நோன்புப் பெருநாளைக் கொண்டாடுவர். நோன்புப் பெருநாள் குறிப்பாக தொழுகையை கொண்டதாகும். இது இரு ரக்அத்களைக் கொண்டதும் பொது வெளியில் அல்லது பெரிய மண்டபத்தில் இடம்பெறும். இது ஜம்மாத்தில் மாத்திரம் இடம்பெறுவதோடு மேலதிகமாக ஆறு முறை அல்லாஹு அக்பர் சொல்வது சுன்னி இஸ்லாமின் ஹனாபி முறையாகும். சில சுன்னி பிரிவுகள் 12 முறை சொல்லும் வழக்கத்தைக் கொண்டுள்ளன.

முகம்மது நபியினால் ஈகைத் திருநாள் ஆரம்பிக்கப்பட்டது. ஆரம்பத்தில் இது மதீனாவில் ஆரம்பிக்கப்பட்டு, பின்பு மக்காவிற்கு கொண்டு செல்லப்பட்டது.

பாரம்பரியமாக ஈகைத் திருநாள் பிறை முதலில் தெரிந்த நாளின் சூரிய மறைவின் பின்னான இரவில் ஆரம்பமாகும். ஈகைத் திருநாள் அன்று நோன்பு இருத்தல் விலக்கப்பட்டுள்ளது. ஏழைகளுக்கு உதவுதல் இந்நாளில் செய்யப்படும். ஒரு நாள் முதல் மூன்று நாள் வரை நாடுகளின் முறைகளுக்கு ஏற்ப இத்திருநாள் கொண்டாடப்படும்.

ஒரு மாத காலமாக புலன்களைக் கட்டுப்படுத்தி நோன்பு கடைப்பிடித்த மகிழ்ச்சியையும் களிப்பையும் இத்திருநாள் தினத்தன்று பெறுவர். ஆகையால், அன்று வீண் விளையாட்டிலோ, வீண் கழியாட்டத்திலோ கழிப்பது ஏற்புடையதல்ல. இந்நாளில் பித்ர் கட்டாயக் கடமையானது. விரும்பி உண்ணும் உனவுப் பொருட்களை மாத்திரம் பித்ர் தர்மமாக கொடுக்க வேண்டும். இதனை தன் பொறுப்பில் உட்பட்டவர்களான பாட்டன், பாட்டி, தாய், தந்தை, மனைவி, மகன், மகள் ஆகியோருக்குக் கொடுக்க முடியாது. மேலும் தன் பொருப்பில் உள்ளவர்களுக்காகவும் பிதர் செய்ய வேண்டும். தன் உறவினர்களில் ஏழை எளியவர்கள் இருந்தால், அவர்களுக்கு முதலிடமளித்து பித்ர் செய்தல் வேண்டும்.
Advertisement

சங்ககால மலர்கள்

சங்ககால இலக்கியமான குறிஞ்சிப்பாட்டு குறிப்பிடும் மலர்கள் சுருக்கமாக சங்ககால மலர்கள் என அறியப்படுகிறது. இவற்றை 108 மலர்கள் எனப் பட்டியலிடலாம். குறிஞ்சிப்பாட்டைத் தவிர்த்த பிற சங்ககால இலக்கியங்கள் பிறவற்றிலும் சில மலர்களின் பெயர் உள்ளது குறிப்பிடத்தக்கது. இப்பட்டியலில் ஒரே பெயரில் வேறு சில மலர்களின் பெயர்கள் காணப்படுவது குறிப்பிடத்தக்கது. மேலும் ஒரே பெயரில் குறிப்பிட்ட மலர் குறிப்பிடப்பட்டாலும், அவற்றின் அறிவியல் பெயர்கள் வேறுபட்டவை. எ.கா: புன்னை என்பது Calophyllum elatum, Calophyllum inophyllum ஆகியவற்றை இரு தாவர வகைகளைக் குறிப்பிடப் பயன்படுகிறது.

தற்காலப்பெயர் அடைப்புக்குறியினுள் தரப்பட்டுள்ளது.

சங்ககால மலர்கள்
சங்ககால மலர்கள்

குறிஞ்சிப்பாட்டு குறிப்பிடும் 108 மலர்களின் விபரம் பின்வருமாறு:

இல. பெயர் ஆங்கிலப்பெயர் /
தாவரவியற்பெயர்
1 அடும்பு Goat’s foot vine
Ipomoea pes-caprae
2 அதிரல் Hog creeper
Derris Scandens
3 அவரை Lablab bean
Dolichos lablab
4 அனிச்சம் Blue pimpernel
Anagallis arvensis
5 ஆத்தி Maloo Creeper
Bauhinia eacemosa Lam.
6 ஆத்தி Yellow orchid
Bauhinia tomentosa
7 ஆம்பல் (நீர் அல்லி) Water lily
Nymphaea lotus L. var pubescens
8 ஆரம் (சந்தனம்) Sandalwood
Santalum album
9 ஆவிரை Tanner's senna
Cassia auriculata
10 இலவம் Red-flowered silk-cotton
Bombax malabaricum
11 ஈங்கை Twisted acacia
Acacia caesia L. Willd.
12 உந்தூழ் (மூங்கில்) Indian thorny bamboo
Bambusa arudinacea
13 எருவை Small bulrush
Typha angustata
14 எறுழ் Paper flower climber
Calycopteris floribunda Lam.
15 கஞ்சங்குல்லை (கஞ்சா) Indian hemp
Cannabis sativa
16 கரந்தை East Indian globe thistle
Sphaeranthus indicus
17 கருவிளம் Butterfly pea
Clitoria ternatea
18 காஞ்சி False white teak
Trewia nudiflora
19 காந்தள் (கார்த்திகைப் பூ) Glory lily
Gloriosa superba
20 காந்தள் Indian coral
Erythrina indica
21 காந்தள் Scarlet Bauhinia
Bauhinia phoenicea heyne
22 காயா Ironwood
Memecylon edule
23 காழ்வை Eagle Wood
Aquilaria agallocha Roxb.
24 குடசம் Indrajao
Holarrhena antidysenterica
25 குரவம் Asiatic Tarenna
Webera Corymbosa Willd.
26 குருக்கத்தி Helicopter Flower
Hiptage madablota
27 குருகிலை (வெண் அத்தி) White fig
Ficus virens Ait.
28 குருந்தம் Indian Atalantia
Atalantia monophylla Linn.
29 குவளை Fragrant water lily
Nymphaea odorata Ait.
30 குளவி Indian Cork
Millingtonia hortensis
31 குளவி Patchouli
Pogostemon cablin Benth.
32 குறிஞ்சி Kurunji
Strobilanthes kunthiana
33 குறுநறுங்கண்ணி (குன்றிமணி / குண்டுமணி) Coral bead vine
Abrus percatorius
34 கூவிரம் Sacred garlic pear
Crateva religiosa
35 கூவிளம் Bael
Aegle Marmelos Corr.
36 கைதை Fragrant screw pine
Pandanus odoratissimus
37 கொகுடி Indian Jasmine
Jasminum pubescens
38 கொன்றை Indian laburnum
Cassia fistula
39 கோங்கம் Golden silk cotton tree
Cochlospermum gossypium
40 கோடல் Yellow malabar glory lily
Gloriosa superba
41 சண்பகம் Champak
Michelia champaca
42 சிந்துவாரம் Five-leaved Chaste tree
Vitex negundo
43 சிறுசெங்குரலி Water chest nut
Trapa bispinosa Roxb.
44 சிறுபூளை Aerva lanata
45 சுள்ளி Porcupine flower
Barleria prionitis
46 சூரல் Ziziphus oenoplia
47 செங்கருங்காலி Acacia sunddra
48 செங்கொடுவேரி Plumbago rosea
49 செம்மல் Jasminum grandiflorum
50 செருந்தி Ochna squarrosa
51 செருவிளை Clitoria ternatea L. var. albiflora Vogt
52 சேடல் Nyctanthes arbor-tristis
53 ஞாழல் Caesalpinia cucullata
54 தணக்கம் Gyrocarpus americanus
55 தளவம் Jasminum elongatum
56 தளவம் Jasminum polyanthum
57 தாமரை Nelumbo nucifera
58 தாழை (தென்னம்பூ) Cocos nucifera
59 திலகம் (செஞ்சந்தணம்) Adenathera pavonina
60 தில்லை Excoecaria agallocha
61 தும்பை Leucas aspera
62 துழாய் Ocimum sanctum
63 தேமா (இனிப்பு/தேன், மாம்பூ) Mangifera indica
64 தோன்றி (காந்தள்) Gloriosa superba
65 நந்தி Tabernaemontana coronaria
66 நரந்தம் Cymbopogon flexuosus
67 நள்ளிருள் நாறி
68 நறவம் Luvunga scandens
69 நாகம் Mesua ferrea
70 நெய்தல் Nymphaea stellata
71 பகன்றை Operculina turpethum
72 பசும்பிடி Garcinia xanthochymus
73 பயினி Vateria indica
74 பலாசம் Butea frondosa/monosperma
75 பாங்கர் Salvadora persica
76 பாதிரி Stereospermum chelonoides
77 பாரம் (பருத்தி) Gossypium herbaceum
78 பாலை Wrightia tinctoria
79 பாலை Mimusops kauki
80 பிடவம் Randia malabarica
81 பிண்டி (அசோகு) Saraca indica
82 பித்திகம் Jasminum angustifolium
83 பீரம் (பீர்க்கு) Luffa acutangula
84 புழகு (எருக்கு) Calotropis gigantea
85 புன்னாகம் (புன்னை) Calophyllum elatum
86 புன்னை Calophyllum inophyllum
87 போங்கம் Ormosia travancorica
88 மணிக்குலை Nymphaea rubra
89 மணிச்சிகை Ipomoea sepiaria
90 மராஅம் Shorea talura
91 மருதம் Terminalia elliptica
92 மா (புளி மா) Mangifera pinnata
93 முல்லை Jasminum auriculatum
94 முல்லை Jasminum sambac
95 முல்லை Jasminum trichotomum
96 மௌவல் Jasminum officinale
97 வகுளம் Minusops elengi
98 வஞ்சி Catamus rotang
99 வடவனம் (துளசி) Ocimum sanctum
100 வடவனம் Ocimum gartissimum
101 வழை Ochrocarpus longifolius
102 வள்ளி Dioscorea pentaphylla
103 வாகை Albizia lebbeck
104 வாழை Musa paradisiaca
105 வானி Euonymus dichotomus heyne
106 வெட்சி Ixora coccinea
107 வேங்கை Pterocarpus marsupium
108 வேரல் Arundinaria wightiana nees


திகிலால் வாங்குதல்

திகிலால் வாங்குதல் அல்லது பீதியால் வாங்குதல் அல்லது திகில் நுகர்வு (Panic buying) என்பது பேரிடர், உணரப்பட்ட பேரிடர், பாரிய விலை அதிகரிப்பு எதிர்பார்ப்பு அல்லது பற்றாக்குறை ஆகிய சம்பவங்களின்போது அல்லது அதற்குப் பின் பாரியளவிலான பொருட்களை நுகர்வோர் கொள்வனவு செய்வதனைக் குறிக்கும்.

திகிலால் வாங்குதல்
2020 கொரோனா வைரஸ் ஏற்படுத்திய திகிலால் வாங்குதல் காரணமாக பொருட்கள் காலியாகிய அங்காடி. இடம்: ஐக்கிய அமெரிக்கா

திகிலால் வாங்குதல் ஒருவித கும்பல் நடத்தையாகும். இது நுகர்வோர் நடத்தைக் கோட்பாட்டில் உள்ள ஓர் ஆர்வச் செயற்பாடாகும். இது பற்றி பொருளாதார கற்கை குறிப்பிடுகையில் “கூட்டுச் செயற்பாடுகளான ஆர்வமும் பாணியும், இருப்புச் சந்தை நகர்வு, நீடித்து உழைக்காத பொருட்கள் விலைபோதல், களியாட்ட பொருட்களை வாங்குதல், பதுக்கி வைத்தல், வங்கிப் பயம்” ஆகியனவாகும்.

திகிலால் வாங்குதல் நிலைப்பாடானது பற்றாக்குறை அபாயம் சரியானதா அல்லது சுயமான திருப்தி தீர்க்கதரிசனத்தின் வடிவ முன்னுணர்வு என்பதற்கப்பால் உண்மையான தட்டுப்பாட்டுக்கு கொண்டு சென்றுவிடும்.

திகிலால் வாங்குதல் உதாரணத்திற்கு பின்வரும் சம்பவங்களைக் குறிப்பிடலாம்:


  • 1943 வங்காளப் பஞ்சம்
  • 1962 கியூப ஏவுகணை நெருக்கடி – ஐக்கிய அமெரிக்காவில் அடைக்கப்பட்ட பொருட்களை வாங்கும் நிலைக்கு வழியேற்படுத்தியது. 
  • 1979–80 எண்ணை நெருக்கடி – எண்ணை வாங்கும் நிலைக்கு வழியேற்படுத்தியது.
  • 2000 ஆண்டுச் சிக்கல் - உணவு
  • 2003 சார்ஸ் திடீர் தோற்றம் – பல வகையான பொருட்களை பல தடவைகள் வாங்க வழியேற்படுத்தியது. 
  • 2000 மற்றும் 2005 ஐக்கிய இராச்சிய எரிபொருள் எதிர்ப்பு
  • 2005 ஜிலின் வேதியல் தொழிற்சாலை வெடிப்பு
  • 2013 வெனிசுவேலா பொருளாதார நெருக்கடி
  • 2019 – 2020 கொரோனா வைரஸ் பரவல் – முகமூடி, உணவு, கழிவிட தாள், கை சுத்தப்படுத்தி, துடைப்பதற்கான மதுசாரம் போன்றன திகிலால் அதிகளவு கொள்வனவு செய்யப்பட்டன. 

தமிழர் கொடிகள்

வரலாறு மற்றும் தற்கால தமிழர் வாழ்வியல் சூழலுடன் தொடர்புபட்ட கொடிகளை தமிழர் கொடிகள் (Flags of Tamils) என அழைக்கலாம். இக்கொடிகள் தமிழர் தங்களை அடையாளம், பிரதிநிதித்துவம் ஆகியவற்றை வெளிப்படுத்த இவற்றைப் பயன்படுத்தினர். இவற்றில் தமிழர்களை ஆட்சி செய்த அரசுகளின் கொடிகள் இடம்பெறவில்லை. அவற்றை தமிழர் தங்கள் அடையாளங்களாகக் கருதவில்லை. ஆனால் தமிழர்களை அவர்களின் ஒத்துழைப்புடன் ஆட்சிசெய்த அரசுகளின் கொடிகளும் தமிழர் வாழ்வியலுடன் நெருங்கிய தொடர்பு கொண்டன.

தமிழ்நாடு மாநில அரசு முக்கியத்துவமிக்க சமகால அரசு என்றாலும், தமிழ்நாட்டிற்கென கொடி எதுவுமில்லை.

வரலாற்று தமிழர் கொடிகள்

சேர நாடு

அம்பு வில்லு
அம்பு வில்லு
சேர அரசர்கள் வில்லவர் கோன் என்ற பெயரைக் கொண்டிருந்தனர். பண்டைய சேர நாட்டில் வில்லவர் குலம் காணப்பட்டது.

சோழ நாடு

பாயும் புலி
பாயும் புலி
பெரியபுராணம் சோழரின் புலிக்கொடி பற்றி குறிப்பிடுகின்றது.

பாண்டிய நாடு

இரட்டை மீன்கள்
இரட்டை மீன்கள்
புராணக்கதையின்படி, பாண்டிய மன்னனின் மகளாக இந்து கடவுளான மீனாட்சி மகளாக பிறந்தார். அவளுடைய கண்கள் மீன் போன்ற வடிவமுடையதும், பாண்டிய மரபில் இது சின்னமாகவும் கொடியாகவும் அமைந்தது.

பல்லவ நாடு

சிங்கம்
பல்லவ அரச குல சின்னமாக சிங்கமும் எருதும் (நந்தி) காணப்பட்டன. நரசிம்மவர்மன் சிங்கத்தையும், நந்திவர்மன் நந்தியையும், பரமேஸ்வரவர்மன் மண்டையோடு கதாயுதத்தையும் பயன்படுத்தினர்.

ஆய் நாடு

யானை
யானை
ஆய் நாடு வெற்றி கொள்ளப்பட்டதன் பின்னர் சேரரால் யானை எடுக்கப்பட்டது.

யாழ்ப்பாண அரசு

நந்தி
நந்தி, சங்கு, குடை, சூரியன், சந்திரன் என்பன ஆரியச்சக்கரவர்த்திகளின் அடையாளங்களாகும். கலிங்க சோடாகங்கை அரச குலம் ஆரியச்சக்கரவர்த்திகளுடன் தொடர்புடையதால், அவை இரண்டும் ஒத்த அரச இலச்சணைகளைக் கொண்டிருந்தன.

வன்னி நாடு

குறுக்கான வாள்கள்
குறுக்கான வாள்கள்
வன்னிமையின் கடைசி தமிழ் அரசன் பண்டார வன்னியன் குறுக்கான வாள்களை சின்னமாகக் கொண்டிருந்தனர். வன்னியர் குலத்தினர் குறுக்கான வாள்கள், அக்னி குண்டம் ஆகியவற்றை தங்கள் அடையாளமாகக் கொண்டிருந்தனர்.

புதுக்கோட்டை

சிங்கம்
சிங்கம்
அனுமான் கொடியை வலது முன் கையால் சிங்கம் பிடித்தவாறு, பச்சை பின்புல இருப்பது புதுக்கோட்டை அரச கொடியாகும்.

தற்கால தமிழர் கொடிகள்

இலங்கைத் தமிழர்

Flag_of_SL_Tamil
சிவப்பு, மஞ்சள்
புலம்பெயர் இலங்கைத் தமிழரும் இதனையும், விடுதலைப்புலிகளின் கொடியினையும் பயன்படுத்துகின்றனர். இக்கொடி தமிமீழக் கொடியின் நிறத்தினைக் கொண்டு உருவாக்கப்பட்டது.

தமிழீழ விடுதலைப் புலிகள் / தமிழீழம்

புலி
புலி
புலிக் கொடி அல்லது தமிழீழக் கொடி இலங்கைத் தமிழர் வாழ்வியலோடு நெருங்கிய தொடர்பு கொண்டது. 1977 இல் வடிவமைக்கப்பட்ட கொடி 1990 இல் தமிழீழ தேசியக் கொடியாக அறிவிக்கப்பட்டது. இதில் வரலாற்றுடன் தொடர்பு கொண்ட வன்னிமை, சோழர் ஆகியவற்றின் பிரதிபலிப்பாக, முறையே குறுக்கான கத்திகள், புலி என்பன காணப்படுகின்றன. 

தமிழச்சம்

தமிழச்சம் (Tamilophobia) அல்லது தமிழ்ப்பயம் (Tamil Phobia) என்பது தமிழர், தமிழ் மொழி, தமிழ் கலாச்சாரம் போன்றவற்றுக்கொதிரான பயம், வெறுப்பு, தவறான அபிப்பிராயம் ஆகும். அந்நிய வெறுப்பு அல்லது அந்நிய பயம் (xenophobia) அல்லது இனவாதம் போன்றவற்றின் ஒரு வடிவமாக தமிழச்சம் அமைவதாகக் கொள்ளலாம். ஆயினும் இதுபற்றி போதிய வரைவிலக்கணம் இல்லை.

தமிழச்சம்
தமிழச்சம்

பண்டைய காலம் தொட்டே ஓர் இனம் அல்லது குறிப்பிட்ட சமூகக் குழு மீது பிறருக்கு பயம், வெறுப்பு, தவறான அபிப்பிராயம் ஆகியன காணப்பட்டு வந்துள்ளன. இதற்கு தமிழும் தமிழரும் விதிவிலக்கல்ல. ஆயினும், இந்தியா விடுதலை பெற்ற பின்பு ஏற்பட்ட தமிழ், தமிழர் விரோதப் போக்கு நிகழ்வுகள் மற்றும் இலங்கையில் தமிழர் மீதான அடக்குமுறையும் அதனைத் தொடர்ந்து இடம்பெற்ற இனப்போர் என்பன தமிழச்சம் வலுப்பெற்று உருவாக வழி ஏற்படுத்தின. இதில் இந்தியாவைவிட இலங்கையே தமிழ்ப்பயம் தொடர்பில் எதிர்வினையாற்றிய முக்கிய இடம் ஆகும். இங்கு தமிழரை விரோதமாக பார்க்கும் போக்கு சிங்களவரிடத்திலும் முஸ்லிம்களிடத்திலும் உள்ளது. இலங்கை இனப்போரின் பின் இந்நிலையில் மாற்றம் இருந்தாலும், அதன் அடித்தளத்தில் தமிழச்சம் என்பது நீங்கிவிடவில்லை.

சொல்லிலக்கணம்

கிரேக்க மொழியில் போபோஸ் (φόβος) [ஆங்கில ஒலிபெயர்ப்பு: phobos] என்பது பயம், அச்சம் ஆகிய பதங்களை குறிக்கப்பயன்படுத்தப்படும். இதுவே ஆங்கிலத்தில் போரியா (phobia) எனப்படும். ஆகவே தமிழ்/தமிழர் தொடர்பான பயத்தை ஆங்கிலத்தில் தமிழோபோபியா (Tamilophobia) எனவும் தமிழில் தமிழச்சம் அல்லது தமிழ்ப்பயம் எனவும் அழைக்கலாம். மேலும் தமிழ்/தமிழர் தொடர்பான எதிர்மறை நிலைப்பாட்டை தமிழ் எதிர்ப்பு (anti-Tamil), எதிர் தமிழ்த் தேசியவாதம் (anti-Tamil nationalism), தமிழர் வெறுப்பு (hatred of Tamils), தமிழருக்கெதிரான இனவாதம் (racism against Tamil) ஆகிய பதங்களினாலும் அழைக்கலாம். இது இலங்கையில் புலி (சிங்களத்தில் கொட்டியா) என தமிழருக்கெதிராக விளிக்கப் பயன்படுத்தப்படுகிறது.

அச்சம்

தமிழ் பற்றிய ஒரு சமூக அச்ச நிலையானது எதிர்ப்புமிக்க உளவியல் அல்லது தனி மனித அச்சமாக “தமிழச்சம்” என பொருட்படுகிறது. இவ்வாறான வரைவிலக்கணம் சில சமூகவியலாளர்களால் இன, சமய எதிர்ப்பு நிலையை அளவிட கையாளப்படுகின்றது.

தமிழ் எதிர்ப்பு

தமிழ் எதிர்ப்பின் ஒரு வடிவமாக இந்தித் திணிப்பு போன்ற நடவடிக்கைகள் அமைந்தன. இவ்வாறான நடவடிக்கைளின் விளைவாக, வட இந்தியாவின் இந்தோ-ஆரிய கலாச்சாரத்தில் இருந்து தென் இந்தியா வேறுபட்டது என்பதற்கான போராட்டங்கள் திராவிட தேசியவாத இயக்கங்களினால் 1930 களிலும் 1950 களிலும் முன்னெடுக்கப்பட்டன. இதற்கு தமிழ் நாட்டில் போதிய ஆதரவு கிடைத்தது. அதனால், 1960 களின் பின்னர் அரசியல் கட்சிகள் ஆட்சியமைக்கத் தொடங்கின.

இந்தியாவைப் போன்றே இலங்கையிலும் தமிழ் விரோதப் போக்குகள் இடம் பெறத்தொடங்கின. ஆனால், அவை சிங்களம் மட்டும் சட்டம், பல்கலைக்கழக வெட்டும் புள்ளி, தமிழர் உயிர், உடை மீதான தாக்குதல்கள், மலையகத் தமிழருக்கான வாக்களிக்கும் உரிமை இழப்பு என அதிகரிக்கத் தொடங்கின. இதன் விளைவினால், இலங்கையில் தமிழ் இயக்கங்களினால் தனி நாடு கோரி ஆயுதம் போராட்டம் முன்னெடுக்கப்பட்டது. இது முற்று முழுதான தமிழச்சம் ஆக சிங்களவர் மத்தியில் மாற்றமடைந்தது. பின்னர் தமிழர்-முஸ்லிம் முரண்பாடுகள் இடம்பெற்றும் முஸ்லிம்களிடமும் தமிழச்சம் ஏற்படலாயிற்று.

இலங்கை இனப்பிரச்சனை இந்தியாவில், குறிப்பாக தமிழ் நாட்டில் தாக்கம் செலுத்தலாயிற்று. இவ்விடயத்தில் இந்திய மத்திய அரசாங்கம் ஆரம்பத்தில் இலங்கைத் தமிழர் விடுதலைப் போராட்டத்திற்கு ஆதரவு அளித்தாலும், தமிழ்நாடு பிற்காலத்தில் இவ்வாறு பிளவுபடலாம் என்ற அச்சத்தினால், அங்காங்கே தமிழ் எதிர்ப்புச் செயற்பாட்டில் ஈடுபட்டது.

இலங்கை இனப்பிரச்சனையின் ஆயுதம் போராட்டம் 2009 இல் முடிவுக்கு கொண்டு வரப்பட்டதன் பின்னர் தமிழச்சம் குறைவடைந்து காணப்படுகின்றது. ஆயினும், தமிழ்த் தேசியம் (தமிழ்நாடு மற்றும் இலங்கைத் தமிழ்த் தேசியம் உட்பட), புலம்பெயர் தமிழர் செயற்பாடுகள், தமிழருக்கான தனிநாட்டுக் கோரிக்கை போன்ற விடயங்களை ஆதரிக்கும் முற்போக்கு அரசியல் கட்சிகள், இந்தியாவில் இருந்து தமிழ்நாடு தனிநாடாக வேண்டும் போன்ற கோரிக்கைகள் போன்றவை தமிழ்ப்பயம் என்ற நிலையை தக்க வைத்துள்ளன. சல்லிக்கட்டு மீதான தடையும் தமிழ் எதிர்ப்பின் ஒர் வடிவமாக பார்க்கப்படுகின்றது.

தமிழர் அடையாளம்

இலங்கையில் தமிழர் அடையாளங்கள் மீது தமிழச்சம் காணப்பட்டன. அந்த அடையாளங்களாவன:
  • தமிழில் உரையாடல்
  • பெண்கள் பொட்டு வைத்தல்
  • தமிழருக்கு உரிய உடையும் திருநீரு பூசலும்
  • தமிழீழ விடுதலைப் புலிகளுடன் தொடர்புபட்ட விடயங்கள் (கொடி, இலச்சினை, சீருடை, புலிகளின் தலைவரின் படம் மற்றும் பல)

அந்நியரிடத்தில் அச்சம்

அந்நியரிடத்தில் அச்சம் உலகில் பரவலாகக் காணப்படுகின்றது. இது சமயம், இனம் போன்றவற்றை அடிப்படையாகக் கொண்டு காணப்படலாம். குறிப்பிடத்தக்க அந்நியரிடத்தில் அச்சங்கள் சில பின்வருமாறு:

  • ஆங்கிலேய அச்சம் (Anglophobia) – ஆங்கிலேயர் / ஆங்கிலேயக் கலாச்சாரம் / இங்கிலாந்து தொடர்பான அச்சம் / பயம்
  • இந்து அச்சம் (Hinduphobia) – இந்துக்களை விரும்பாமை / அச்சம்
  • இஸ்லாமிய அச்சம் (Islamophobia) – இந்துக்களை விரும்பாமை / அச்சம்
  • கிறிஸ்தவ அச்சம் (Christianophobia) – கிறிஸ்தவர் தொடர்பான அச்சம் / பயம்
  • சீன அச்சம் (Sinophobia) – சீனர் தொடர்பான அச்சம் / பயம்
  • போர்த்துக்கேய அச்சம் – போர்த்துக்கேய தொடர்பான (கலாச்சாரம், மொழி) அச்சம்
  • யூத அச்சம் (Judeophobia) – யூத வெறுப்பு / யூதரில் அச்சம்
  • ஜப்பானிய அச்சம் (Nipponophobia) – ஜப்பானியர் தொடர்பான அச்சம் / பயம்